ලක්ෂිතගේ Blog අඩවිය

මම ආවා...!!

2012-02-14T22:53:00.000+05:30

අම්මෝ මගේ බ්ලොග් එක පුරාම දූවිලි වහලා....ගොඩක් කාලෙකින් මේ පැත්තට ආවේ....මගේ යාළුවන්ට මාව මතකද දන්නෙ නැහැ...කොහොම උනත් ගොඩක් කාලෙකින් ආවේ නැත්තෙ ජීවිතේ ගොඩක් දේවල් උනා....වෙලාවකට ජීවිතෙත් පුංචි ඩිස්නිලන්තයක් වගේ උනා....තවත් වෙලාවකට එළාර දුටු ගැමුණු යුද්ධයක් වුනා.....තවත් වෙලාවකට පොඩි එකෙකේ වගේ පිස්සුත් නැටුවා....ඔය අස්සෙ නව කථා කෙටි කථ ආදර කථා එහෙමත් සෑහෙන්න තිබ්බා...කාලයක් බූට් කාරයෙක් විදයටත් ඇට් කරා...අම්මේ ඒකෙ තේරුම මම දැන් ආතල් එකේ ඉන්නවා කියන එක නෙවේ...ඕනෙම කෙනෙක් තමන් කියල හිතෙන දෙයක් තමන්ගෙම කරගන්න ගොඩක් උත්සහ දරනවා...අන්තිම මොහොත වෙනකම්ම....බැරිම උනොත් ඒ දේ ලැබෙන්නෙම නැත්නම් අඬල අඬල ඉල්ලනවා....ඒහෙමත් ලැබෙන්නෙ නැත්නම් පොඩි එකෙක් වගේ හිතුවක්කාරත් වෙනවා....එහෙම කරලත් ලැබුනෙ නැත්නම්.....ඉතින් ඒදේ ලැබෙන්න දෙනවාද නැද්ද කියන එක උඩට වෙලා අපේ ජීවිතත් එක්ක සෙල්ලම් ලොකු උන්නැහේටම බාර දීල ඔහේ බලාගෙන ඉන්නවා.....දැන් මේ මමත් කොරන්නෙ ඒකම තමා...ලොකු උන්නැහේට මාව දැන් අමතක වෙලාද කොහෙද ..කමක් නැහැ....ඒක උන්දැගෙ කැමැත්තනේ......ලොකු අන්දැ එහෙම කොලාට යාළුවො කියන කොට්ටාසේ එහෙම නැහැ...මාරාගෙන මරුනත් ගණන් ගන්න එපා මචං ලකියා ඕක මේ ලෝකෙ හැටි කියලා කරට උඩින් අතක් දාගෙන වරෙන් මචං තේකක් බොන්න...එහෙම නැත්නම් ලකියා වරෙන් රවුමක් දාන්න...කියලා...අපේ කුණුගොඩවලුත් එක්ක බොහොම අගේට හිනාව පෙන්නගෙන අපේ පස්සෙන උන්න කොට්ටාසෙකුත් උන්නා....අම්මේ ඒ වෙලාවට තමා හිතෙන්නේ මගේ පිං පොතෙත් පොඩ්ඩක් මන්ඩියේ ඉතුරු වෙලා තියෙනවා කියලා.....ඇත්තටම මම උන්ට පිං දෙනවා....මම කියන එකාව ආයෙක් යහපත් මාරුගයට ගත්තට...නැත්නං මෙලහකටත් මේක මක්කොර කොරගෙනද කියල දන්නෙ උඩ ඉන්න ඇත්තොම විතරයි....

කොහොම උනත් මට වෙච්ච හැමදේම කියන් මගේ තුන් හිතකවත් බලාපොරොත්තුවක් නැහැ...මොකද උඩ ඉන්න ඇත්තොටත් ඇට් කොරන්න මේ ජීවිත ජවනිකාවෙ කොටහක් ඉතුරු කරන්න එපෑයැ....අනිත් දේ ....තමා ඉතින් අර සිංදු කියන එක්කෙන්ක ඉන්න සුනිල් එදිරිසිංහ කියලා...අන්න එයා එක සිංදුවක කියන විදියට (මට වන් දුකක් වෙන කෙනෙකුට වෙන්න එපා..) කියලා මේ අත් දෙක එකට තියලා වන්දනාමාන කරල කියනවා....මෙච්චර කාලයක් මා එක්ක එකට හිටිය හැමෝගෙන්ම මම ඉල්ලන්නේ...ඉස්සරහමත් මේකගෙ පිටිපස්සෙන් හිටපල්ල කියාලා....මොකද යාළුවො කියන්නේ අම්මට තාත්තට ගුරුන්ට පස්සෙ ඉන්න විස්වාසවන්තම කස්ටිය හිංදයි...ඔක්කොටම ජය වේවා......දළදා හාමුදුරුවන්ගෙම පිහිටයි !!

Jackhammer දෙසොහොයුරෝ සංගීත ලොව කළඹයි !

2011-02-28T00:45:00.003+05:30

දැන් කට්ටිය හිතන්න පුළුවන් කව්ද මේ කියන දෙන්න කියලා....ඇත්තටම මම මේ කියන්න යන්නේ තාක්ෂණය අතින් සංගීතයේ තැබූ තවත් පියවරක් ගැනයි....මුලින්ම කියන්නම් මේ දෙන්නගෙ ගෙදර තමා MTX Audio ආයතනය..විනෝදාංශයක් වශයෙන් සපීකර් නිර්මාණයේ යෙදුන කොළුවෙක් උනු ඇමරිකාවේ Winslow, Illinois ප්‍රදේශයේ ජීවත් වූ වයස යන්තම් 26 පිරුණ Loyd Ivey විසින් 1979 MTX Audio ආයතනය නමින් තමගේම සංගීත උපකරණ නිර්මාණ ආයතනයක් විවෘත කරන ලදි....

දිනෙන් දින ඉහල යන තාක්ෂණය උපයෝගී කරගනිමින් සංගිතයේ උන්නතිය උදෙසා බොහෝ සපීකර් පද්ධති නිර්මාණයක කළ ආයතනයක් වශයෙන් මේ වන විට MTX Audio ආයතනය ලොව පුරා ප්‍රසිද්ධියට පත්වි ඇත...මොවුන්ගේ නවතම නිර්මාණයක් වු Jackhammer ගැනයි මම මේ කියන්න යන්නේ...නමින් දෙදෙනාටම එක නමක් තමා තියෙන්නෙ...ඒ නම Jackhammer , අඟල් 22 හා 24 යන ප්‍රමාණයන් වලින් මේ දෙදෙනා සන්නද්ධ වෙමින් මෙලොව එළිය දකින්නේ .....ඒ 2007 - 2010යන වර්ෂ දෙක අතර මන්ද මොවුන් දෙදෙනාගේ උප්පත්තිය පැහැදි‍ලි නොවන හින්දයි.....

මේ ඉන්නෙ ඒ දෙන්න තමා
~ මේ දෙන්නගේ විශේෂත්වය තමා MTX Audio ආයතනය නිර්මාණය කරල තියෙන්නෙ රථ වාහාන වලට වීමයි ~

මෙයා අඟල් 22 Jackhammer 9922
______________________________________________________

එතකොට මේ ඉන්නෙ අඟල් 24 Jackhammer

~ මෙන්න මේ දෙන්න ගැන විස්තර පොඩ්ඩක් ~

Impedance	Dual 2Ω
RMS Power (Watts)	6,000
Rec. RMS Amplifier Power (Watts)	3,000 - 6,000
Sensitivty	-
Voice Coil	6.5"
Magnet Weight (oz.)	900
Mounting Depth	21-1/16"
Cut Out Diameter	20-1/4"
Sealed Enclosure Net Volume	TBD
Vented Enclosure Net Volume	TBD
Speaker Displacement	1.8ft³
Volume Displacement (SD x XMAX) (in3)	267.84
Tuning Frequency	TBD

මේ තියෙන්නෙ මේ දෙන්න එළිමහනෙ ඉන්නකොට ගත්ත පින්තූර දෙකක්

~ | මේ දෙන්නගෙ වැඩ බලන්න මෙන්න වීඩියෝ කිහිපයක් | ~

"MTX Audio ආයතනය" ගැන තවදුරටත් බලාගන්න මෙන්න ලින්ක් එකක් ගිහිල්ලම බලන්න

http://www.mtx.com/

Photosop වල Brushes වලින් වැඩදාන්න !

2011-02-25T22:44:00.003+05:30

ඔයාලත් Photoshop එක්ක වැඩ කරනවනම් Brushes ගැන නොදැන ඉන්න විදියක් නම් නැහැ.මොකද Photoshop වලට නැතුවම බැරි දෙයක් තමා මේ කියන කොටස මටත් හම්බුනා ඒ වගේ අළුත් Brushes ටිකක් කොහොමද කියල බලන්නකෝ....ඔයාලට තියෙන්නේ මේ වලින් කැමැති ඒව උඩ Click කරගෙන ඒ ලිපිගොනු ටික Copy කරලා අරගෙන ගිහිල්ල ඔයාලගේ පරිඝණකයේ ස්ථාපනය කරල තියෙන කෙටසේ

Program Files\Adobe\Adobe Photoshop xx \Presets\Brushes

කියන Folder ඇතුළට Paste කරන්න ඊට පස්සෙ මෘදුකාංගයට ගිහින් බැලුවොත් ඔයාලටත් පෙනෙයි ඒකෙ ඇතුලේ Glow Brushes කියල අළුතින් Brush එකක් එකතුවෙලා කියෙනවා...දැන් ඉතින් ඔයාලත් මේක පාවිච්චි කරලම බලන්නකෝ......

මෙන්න Link එක ගිහිල්ලම බලන්නකෝ !!

SSD දන්නවදෝ ???? ඔන්න ලංකාවටත් ඇවිල්ලා....

2011-02-20T20:51:00.001+05:30

ඔන්න බලන්න ලෝකෙ හැටි කියන්නේ ??? දැන් ඉතින් හැමදේම එන්න එන්න පොඩිවේගෙන යනවා... ඉස්සරනං කොම්පියුටර් කියද්දිත් කස්ටිය සට සට ගාල වෙව්ලනවා...ඒත් අද වෙනකොට ඒවයෙ ගානක්වත් නැහැ..ඔන්න මටත් අහුවුනා ඒ වගේ පොඩි උන කොම්පියුටර් කෑල්ලක් පෙනුමෙන් වගේම වැඩ කරනකොටත් මෙයා ගෙඩක් ගණන් කෑල්ලක්,කස්ටියට මතක නම් මම මේ ගැන මීට ඉස්සෙල්ල ලිපියකිනුත් කිව්වා...ඔන්න කිව්ව වගේම දැන් ලංකාවට ඇවිල්ලා... ඔන්න බලන්නකෝ හැබැයි බලල ඔළුව එහෙම අවුල් කරගන්න එපා...හරිද ???

මම මේ ලිපිය ලියන්නෙ දැනගනීම පිණිසයි බව කරුණාවෙන් සලකන්න

මෙන්න (ලින්ක් | Link) එක ඔයාලම ගිහින් බලන්නකෝ !

බෝපත් ඇල්ල දෙසට

2011-02-17T13:16:00.002+05:30

බෝපතක හැඩයක් ලබාදෙමින් ඉතා මනරම්ව ඇද හැලෙන බොපත් ඇල්ල අපේ රටේ අලංකාරය කියාපාන අලංකාර දිය ඇලි එකතුවේ එක් මනරම් දිය ඇල්ලකි, කොළඹ - රත්නපුර මාර්ගයේ කුරුවිට පොලීසිය අසලින් හැරී මද දුරක් ගියවිට අගලවත්ත ගම්මනයෙන් බොපත් ඇල්ල අපට හමුවේ..දෙස් විදෙස් සංචාරයන්ට අශ්වාදය ලබා දෙමින් කඩා හැලෙන බොපත් ඇල්ල හෙක්ටයාර 6ක් පමණ රක්ෂිතය පුරා පැතිර ඇති බොපත් ඇල්ල විවිධ කඩ ඉම් කිහිපයකින් යුක්තය.මූලික වශයෙන් ඇල්ල ගලා එන දිය දහර ගොඩබිම් තීරයක් මැදි කරමින් දෙපැත්තකින් ගලා විත් එකතු වී පහතට ගලා බසී, මෙහි ඇති විශේෂය වන්නේ ඉතා කුඩා වයසේ සිට වැඩිමහල් පිරිස් දක්වා දිය කෙලියෙහි යෙදෙන්නන්ට බොහෝම ආරක්ෂිත ස්ථාන බොහෝමයක් මෙහි තිබීමයි...
එමෙන්ම මෙහි දියනෑමට නිරන්තරයෙන්ම මෙහි ඇදී එන පිරිස්ද බොහොමය.එ තරම්ම මෙම බොපත් ඇල්ල දෙස් විදෙස් වශයෙන් ජනාදරයට පත්වී තිබීමය...නමුත් ඇල්ල ඇද හැලෙන ඇල්ලේ පාමුල දියනැමට එතරම් සුදුසු ස්ථානයක් නොබන බව මතකයේ තබා ගන්න,එමෙන්ම වැසි කාලගුණයක් පවතින කාලයන්හී ඇතිවට අධිත සැඩ ජල පහරවල් හේතුවෙන් ඇල්ලේ පිහිට පර්වතයට නැගීමත් ඉතා අවදානම් කටයුත්තකි..එසේ කිරීමට ගොස් ජීවිතයෙන් වන්දි ගෙවූවෝද බොහෝය.තවද බොපත් අසල පෙදෙස් තුළ මත්පැන් ගෙනයාමත් පානය කිරීමත් තහනම් කර ඇති නිසා මෙහි මත්පැන් පානය කරමින් සිටින පිරිස් දක්නට නොලැබෙන අතර ඒ හේතුවෙන් මෙහි වට පිටාව බොහෝසෙයින් සාමනාමී ස්වරූපයක් ගනී. කුරුවිට ප්‍රදේශිය සභාව විසින් බොපත් ඇල්ලට ඇතුල්වන පුද්ගලයින්ගෙන් රුපියල් 20ක මුදලක් අය කරන අතර කුරුවිට ප්‍රදේශිය සභාවෙහි අනුදැනුම මත සිදුවන සංචාරක ප්‍රවර්ධන කටයුතු හේතුවෙන් විදෙස් සංචාරකයින් අතර බොපත් ඇල්ල බොහෝසෙයින් ප්‍රසිද්ධියට පත්වී ඇත.එහෙත් දේශීය සංචාරකයින්ගේ නොමනා කටයුතු හේතුවෙන් බොපත් ඇල්ල මේවන විට විනාශ මුඛයට යාමේ අවදානක් දක්නට ලැබේ,බොපත් ඇල්ල හා ඒ අසල වන වදුල පුරා බොහෝ කැලි කසල දක්නට ලැබීම බොපත් ඇල්ලේ සුන්දරත්වටය හානිකරය.එහෙයින් ඔබත් බොපත් ඇල්ලේ සුන්දරත්වය දකින්නට යන සංචාරකයෙකුනම් ඒ සම්බන්ධයෙක් මදක් සැලිකිලිමත් වී අනාගතයට සුන්දර බොපත් ඇල්ලක් ලබාදීමට ඔබත් සැලකිළිමත් වන්න

බොපත් ඇල්ලේ දසුන් කිහිපයක්

2010-12-31T21:17:00.001+05:30

මේ ලියන්නෙ මගේ ජීවිතේ 33 වැනි බ්ලොග් පොස්ට් එකයි.......හ්ම්.......අවුරුද්දකුත් ගියා හරියට අද ඊයේ වගේ කියල දැනෙන්නේ.......මොනව කරන්නද ඉතින්....ගතවුන කාලය ඇත්තු දාලවත් අද්දනන බැහැනේ....කරන්න තියෙන්නෙ නැතුවුන දේවල් වලට වඩා ලැබෙන දෙයක් ගැන හිතාගෙන ඉදිරිය සාර්ථක කරගන්න හිතාගෙන මේ අවුරුද්දෙවත් සුභ වෙන්න කියලා පතන එක තමා....ඔයාල හැමෝටම සාමය සතුට පිරුණු ......ආදරය කරුණාව.....දයාව.....ලෙංගතුකම...සියල්ල එක්තැන් උණු කිසිම කරදරයක් නැති....සුභම සුභ නව වසරක් වේවා.....කියල පතනවා....

2010-12-25T19:50:00.000+05:30

ඔන්න හැමෝටම ලැබුවා වූ නත්තල සාමය සතුට පිරි සුභම සුභ නත්තලක් වේවා.....!!!!

වාහනේ කළු පෙට්ටිය බිම ඕයි...!!!

2010-12-24T10:21:00.000+05:30

හික් හික්.....දැන් කස්ටිය බලනව ඇති මම ගුවන් ගතවෙන්නද හදන්නෙ කියලා.....නේද ??? අනේ මම තාම හඳවත් දැකපු නැති බෝ පැල වැගේ හැදුන කොල්ලෙක්....මම මේ කියන්න යන්නෙ මට උන සිද්ධියක්......කොටින්ද කිව්වොත් මම කාපු කට්ටක්....මේ සිද්ධිය වෙලා දැන් දවස් කිහිපයක් වුනා....වේලාව හවස 6.30 විතර වැඩ අහවර වෙලා ගෙදර එන්න කියල වේවැල්දෙණියේ සිට මීරිගම බලා ධාවනය වෙන 196 මාර්ග අංකයට අයත් මගී ගෙනයන රථයකින් ගෙවල් පැත්තට යන ගමං හිටියෙ...පොඩ්ඩක් විතර ක්ලයිමේට් එක චාටර් වෙලා තිබ්බෙ....අම්බානෙකට නාගනෙ ඇවිල්ල නැග්ග බස් එකට....බස් රථය ගැන කිව්වොත් ඒක Mitsubishi Rosa Bus එකක්.. වාහනේ නම් හොඳ ත්තවයේ තියෙනවා...කොහෙම හරි හවස 6.40ට විතර වේවැල්දෙණියෙන් අපේ වාහනේ පිටත් උනා...ඔන්න දැන් යනගමන් මගින් ටිකක් අම්ස්ට්‍රෝන් ලොක්ක වගේ...පදමට ගුවන්ගත උනු අයියල දෙන්නෙකුත් ගොඩ උනා......තව ඉතින් ඒ වෙද්දි වාහනේ 12ක් විතරත් හිටියා.....වට පිටාව දැන් නුවර එළිය වගේ......බොහෝම මංද ගාමී...ඔන්න ඊයෙ යන්න තිබ්බ ගමනක් අද යන්න වගේ ඇට මැස්සෙක් වගේ බයිසිකල් කට්ටක් රූං ගාල ඇවිල්ල අපි යන වාහානෙත් ඉස්සර කරගෙන යන ගමං ඩැයිවර් අයියන්ඩිට මොනවදෝ කියල ගියා...අයියත් ඉක්මනව වාහනේ නැවැත්තුව....අපි අම්බානෙකට හොල්මං සීන් එක හිංද.....

ඔය තියෙන්නෙ අපේ සීන් එකේ හිටපු ජාතියේ හීරෝ තමා

මොනව කරන්නද ඉතින් අර ඉස්සෙල්ල කියපු අම්ස්ට්‍රෝන් අයියලත් ඩැයිවර් අයියට කලින් වාහනෙන් බැහැල වාහනේ පිටිපස්සට දිව්ව්...දැන ඉතින් ගිහින් විනාඩි දෙකක් විතර වෙනවා...කිසි සද්දයක්වත් නැහැ අර අම්ස්ට්‍රෝන්අයියලත් නැහැ....බැරිම තැන මමත් බැස්ස.....වැස්සෙම....පොඩි පොඩි සද්ද ටික්ක ඇහෙනවා වහනේ පැත්තකින්.....මම සොරා වගේ ගිහින් ඔලුව දැම්ම මොකකද සීන් එක කියල බලන්න......අම්මටසිරි වැඩේ තවත් චාටර් වෙලා වගේ......අර අයියල දෙන්න බලාගෙන ඉන්නවා.....ඩැයිවර් අයිය....වහනනේ යට...මමත් ගිහිං බැලුව සීන් එක මොකක්ද කියලා....මලලසේකරයි කිව්වලු වාහනේ ඩීසල් ටැංකිය ගෙම්බ පොලේ ගැහුව වහේ බිම......දැන් මට තේරුණා අදත් පුල් නයිට් ඩියුටි වගේ කියලා...වෙලාවත් බැලුවා....වෙලාව 6.54ට විතර ඇති......ඔන්න ඉතින් බස් එකේ හිටිය තවත් දෙන්නෙතක් බැහැල ඇවිදින්.....සියල්ල දත් වගේ උපදෙස් දෙනවා හෝ.... කියලා.....

ඇත්තටම කිව්වොත් උපදෙස් දෙන්න කස්ටිය හියිට කිලෝ ගානට ඒත් උදව්වට බල්ලෙක්වත් හියියෙ නැහැ...ඒකයි දුක් සීන් එක්....ඔන්න මමත් බෑග් එක පැත්තකින් තියලා...ඩැයිවර් අයියට ගාවට ගියා...ගිහිං අර අම්ස්ට්‍රෝන් අයියලගෙන් සීන් එක ඇහුවා.....ඔන්න එකෙක් කියනවා..(අම්බානෙකට පොර ගුවන්ගත වෙලා හිටියේ ඒ වෙද්ද ඒ වෙරි පිටම මනුස්සය කියනවා)..මට මේ මල්ලි ගැන දුකයි මල්ලී.....මොනා උනත් අවංකයා...... කියලා....මුං දෙන්නට දැන් මේක මළගෙයක් වෙලා වගේ....මමත් ඉතින් ඇහුවා උන් දෙන්නගෙන් අයියා මොකද වෙලා තියෙන්නෙ කියාලා...ඒ පාර අර මොඩ රාලල දෙන්නගෙන් එකෙක් කියාපි......මල්ල වාහනේ කළු පෙට්ටිය වැටිල ඕයි...! කියලා.....අපි කස්ටියට සෑහෙන වෙලාවක් යනකං අර ගගන ගාමියන්ගෙ ශෝකාකූල කථා අහගෙන ඉන්න උනා...වාහනේ හදල ඉවර වෙකම්ම ඒ දෙන්න දුක්ගන්නාරළල වගේ මේ මල්ලි ගැන දුකයි මල්ලී..කිය කියා හිටියා....අන්තිමට වාහනෙත් හදාගෙන ගෙදර එද්දි රෑ 8.15 විතර උනා....

ගමනට අවුරුද්දයි....!!!!

2010-12-23T07:30:00.004+05:30

මේ කියන්න යන්නෙ මං ගැන තාම....දැන් ඔයාල නම් මාව දන්නව ඇතිනෙ නේද ???? ගිය අවුරුද්දෙ මේ වගේ දවසක අපේ සහෝදරයො වගේ ඉන්න දර්ශන මලයයි කනිශ්ක සහෝදරයයි..Usermax පරිඝණක ආයතනයෙන් කරපු TechnoMAX - 2009 එකේ තාක්ෂණික ප්‍රදර්ශනයට වැඩ කරන ගමන් මම අපේ දර්ශන ගේ සටහන කියවන්න අවස්ථාවක් ලැබුනා....කියවගෙන යද්දි තේරුණා.....මේක ගොඩක් වැදගත් ගතියක්...ඊට පස්සෙ මම දර්ශනට කිව්ව..මටත් බ්ලොග් එකක් ලියන්න ඕනි කියලා....ඊට පස්සෙ මම මේ ගැන කනියටත් කිව්ව....අපරාදෙ කියන්න බැහැ...කියපු ගමන් උදව් කරන්නම් කිව්ව...ඔන්න එතනින් පටන් ගත්තු ගමන මේ වෙනක්ං ගොඩක් දුර අරගෙන ආවා...ඔය අතර සංජය සහෝගෙන එහෙම ගොඩක් උදව් ලැබුනා....මට කියන්න තියෙන්නෙ මගේ බ්ලොග් ජීවිතය වෙනුවෙන් මට උදව් කරපු හැමදෙනාටම....නම් අයුරින් උදව් කරපු හැමදෙනාටම ගොඩාක් ගොඩාක් ගොඩාක් පිං...

අවාරේ අම්බුළුවාවට ගිය ගමන

2010-12-20T21:04:00.001+05:30

මේ පොස්ට් එක ලියන්න ටික දවසක් වෙනාව දවස හරියට කිව්වොත් 2010 ඔක්තොම්බර් මාසෙ 3 වූ ඉරිදා දිනය....කලින් දා රාත්‍රියේ යොදාගත් පරිදි අපේ 5 දෙනෙක් යුත් අපේ කල්ලියතුත් අරගෙන උදෙන්ම අම්බුළුවාව බලා යාමට ගමන ආරම්භ උනා....ගමනට කොහාමත් පැය 1 1/2 ක් පමණ ගත විය...කෙසේ හෝ වෙලාව උදෑසන 10.30 විතර වෙද්දි අපිට අම්බුළුවාවට එන්න පුළුවන් උනා....ඒත් අම්බුළුවාවට යනා වාරටක් නම් නොවයි....කොටින්ම කිව්වොත් අපි මේ කරන්න යන්නෙ අවාරෙ අම්බුළුවාව තරණයක්....ගමන අවදානම් උනත් අපි ඔක්කොම එක යායක කියල ගමන අරම්භ කළා...කිව්වට මොකද ගමන නම් ලේසි උනේ නැහැ....මොකද ඒ වෙද්ද අම්බුළුවාවට වැස්සෙන් ගොඩක් අවහිරයන් සිද්ධ වෙමින් තිබ්බෙ...අපි යද්දිත් පෙම්වතුන් පිරිස් 2ක් පමණයි හිටියෙ....ඒත් ඒ වෙද්දි නම් එච්චර වැස්සෙන් බාධාවක් උනේ නැහැ...පස්සෙ පස්සෙ තමා අපිට ටිකෙන් ටික බාධාවන් ආවේ...කොහොම උනත් අපි ඒ ඔක්කොම කාගෙන නාගෙන අම්බුළුාවට ගෙඩ උනා....ඒත් හැබැයි අම්බුළුවාවට යද්දි අපි ඔක්කොම තෙමිච්ච කාක්කො වගේ.......ගමන ගොඩක් අවදානම් වගේම ගොඩක්ම වෙනස් අද්දැකීමක් උනා....ඔන්න මං ගානෙ ඔයාලටත් ඒ ගැන දැනගන්න කියල එහෙදි ගත්ත ඡායාරූප ටික දැම්ම බලන්නකෝ....

මේ ඉන්නෙ අපේ රියදුරු තැන වගේම අපි හැමෝගෙම අතිජාත මිත්තරයා.....අවංකයා......නම - තරිඳු ජයසංක

මෙය හුදෙක් උත්සාහයක් පමණක් බව කරුණාවෙන් සලකන්න...!

සහෝදරත්වය....!

අපෙන් එකෙකි මේ මිනිසා....! ඔහුගේ තවත් උත්සාහයක්

උඩ දාල තියෙන බෝඩ් කෑල්ල කියවලම බලන්නකෝ.....(ලොකුවට බලන්න ඒක උඩ කොටන්න)

අපේ අනාරාදිත අමුත්ත......

සොබාදහමත් අලසයිද මංද කාලගුණයේ වැරැද්දෙන්

අපේ කස්ටිය......

මෙතනින් එහාට තනිකරම මීදුමේ තමා......!

ආපහු එන්න උනෙත් මේ මීදුම මැදින්ම තමා....

හෙට දවස ගැන හිතට දුකයි....!

2010-12-18T23:07:00.003+05:30

හ්ම් හෙට දවස...ගොඩක් බලාපොරොත්තු තියාගෙන තිබ්බ දවසක්.....අනේ කියන්න දේවල් බොහෝමයි.ඔයාල දන්නව ඇතිනෙ 2010 දෙසැම්බර් 19 කියන දවස කොච්චර වැදගත්ද බ්ලොග් ලියන්නන්ට ඒත් මට ඒ තරම් වාසනාවක් නැහැ....මම ගොඩක් බලාපොරොත්තුවෙන් හිටියේ ඒත් ඒකත් නැති වුනා....මොනව කරන්න ? අපි බලාපොරොත්තු වෙන හැමදේම අපිට ලැබෙන්නෙ නැහැනෙ නේද ? ඒක හිංච අමාරුවෙන් හරි මම හිත හදාගන්න වෙනවා...අනේ මට 2010 සිංහල බ්ලොග්කරුවන්ගේ හමුවට යන්න වෙන්නෙ නැතෝ......හපෝයි මට යන්න ඕනි ඒත් යන්න බැහැ.....එත් ජොබ් එක කියන එකත් කරන්න එපැයි නේද....නැත්නම් ජීවත් වෙලා හමාරයි.....කමක් නැහැ යන්න හිතාගෙන ඉන්න අයට සතුටින් ගිහින් එන්න කියල පතනවා......

නව පන්නයේ වාහන කෙරෙහි ඔබ තුලත් ඇත්තේ උන්මාදයක් ?

2010-12-18T00:39:00.002+05:30

ඔබත් නව පන්නයේ වාහනේ වාහන නව පන්නයට සැකසීම කෙරෙහි උන්මාදයකින් පෙලෙන්නෙක්ද ??

කෙටියෙන්ම පැවසුවහොත් ඔබත් රථගාය ඇති අයෙක්ද ?

මම මේ කියන්න යන්නෙ කව්රු උනත් ආසයි නව පන්නයේ මාහනයක හිමිකැරයෙක් වන්න ,එසේ නැත්නම් ඔබට පැරණි වාහන නවපන්නයට හැඩගස්වීමට අවැසි නම් ඔබ ඒ කෙරෙහි දක්වන්නේ උන්මාදයක් නම් ආසාවක් නම් මම මේ කිය වැඩ සටහන් මාලය ආනිවාර්යයෙන්ම දන්නාවට කිසිඳු සැකයක් නැත..1980 වර්ශයන් හෝ 1990 ආදී විවිධ වර්ශයන් වල නිශ්පාදනය කර ඇති බොහෝ රථවාහන මෙන්ම 2000 වර්ශයේ මෙන්න එතැන් පටන් අදවන තෙක් ලොව ලිහිවූ බොහෝ නවීන පන්නයේ රථ වාහන පෙර කිසිම දිනක නොදුටු ආකාරයේ සිත් ගන්නා සුළු පන්නට හරවන ආකාරයේ වැඩ සටහන් මාලාවක් ගැනයි මම මේ කියන්න යන්නෙ....මෙම වැඩසටහන් මාලාව නමින් Pimp My Ride නමින් ලොවපුරා බොහෝ වාහන කෙරෙහි උන්මාදටයන් පෙලෙන්නන්ට රසවිද්නය වෙනුවෙන් දේශ දේශන්තරයන් තම අණසක පතුරවන විදේශීය MTV නම්වු නාලිකාවක් ඔස්සේ ලොව පුරා විසිරුවා හරී.....ලාංකිකයන් වන අපට මෙම වැඩසටහන් මාලාව Dialog TV නම්වු සැටලයි රූපවාහිනි සම්බන්ධතා හරහා ලබාදෙන විදේශීය MTV නාලිකාව ඔස්සේ නැරඹීමට මේනව විට නරම් ලැබී ඇත....එසේ නැරඹීමට හැකියාවක් නැති නම් එහි සියළු වැඩසමහන් මාලාවක් 1,2,3,4,5,6 කොටස් වශයෙන් Torrent හරහා බාගත කර ගෙන නැරඹීමට රසිකයන්ට අවකාශය ලබා දී ඇත.

පහත දක්වා ඇති ටොරන්ට් මාර්ග උපයෝගී කරගෙන එම වැඩසටහන් ඔබට ටොරන්ට් හරහා බාගත කරගැනීමට හැකියාවක් ඇත.

Pimp My Ride (US) Season 1

Pimp My Ride (US) Season 2

Pimp My Ride (US) Season 3

Pimp My Ride (US) Season 4

Pimp My Ride (UK) Season 5

Pimp My Ride (US) Season 6

එක් උපුටා ගැනීමක් ගැන ......!

2010-12-15T20:50:00.001+05:30

මේක මගේ Google Buzz මගින් මගේ ඊ-මේල් ගිණුමට ලැබුනු දෙයක් ගොඩක් වෙලාමට මම මේ කියන පුද්ගලයගෙ Buzz කියවන්න පුරුදු උන කෙනෙක් ...ඉගෙන ගන්න ගොඩක් දේවල් මම මෙයාගෙන් දැක්ක...මෙයා කව්ද කියල දැකල නැහැ කොයි වගේ කෙනෙක්ද කියලවත් අද වෙනකං දන්නෙ නැහැ ඒත් මම මේ කියන පුද්ගලයගෙ නිර්මණ වලට ඇබ්බැහි උන කෙනෙක්.....මම මේ දේ ඔහු විසින් පලකර ටික දවසකට පස්සෙ දැක්කෙ.....ඒක මගෙ හිතට යම් තාක් දුරට මාව වෙනස් කලා කිව්වොත් හරි.......මම ගොඩක් දුරට කල්පාන කලා....නමුත් මම අවංකවම මේ පුද්ගලයගෙ තේරීමට හිස නවනවා....එක තැනක ඔහුගෙ රසිකයෙක් මෙසේ සඳහනක් කර ඇත.....එනම් "සෝරෝ | - මම පට්ටගහන සිංදුවක්............Dec 13"

ඇත්තටම මමත් මේ සටහන ලියද්දි ඒ සිංදුව එකදිගටම ගොඩක් වාර ගණනක් සවන් දෙමින් සිටියේ.....

ඇත්තටම ඒක ගොඩක් අර්ථාන්විතයි "ඔබ ආයෙමත් ඇවිදින්"
මීට වඩා මම කියන්නෙ නැහැ ඔයාලට ගිහින් බලන්නකෝ......ඔයාලටම තේරෙයි

Original Size එකෙන්ම බලන්න පහල තියෙන පින්තූරෙ උඩ Click කරන්න

සංවේගයෙන් දන්වා සිටිමි......!

2010-12-11T21:07:00.000+05:30

මම මේ ගැන කියන්න හිටිය දෙයක් නෙවෙයි.....බොහෝ කාලයක් හරියටම කිව්වොත් ආසන්න වශයෙන් අවුරුදු 7 ක් මා එක්ක එකට කා වීගෙන,විකාර නටාගෙන.පිස්සු නටාගෙන....මරාගෙන සහෝදරත්වයෙන් හිටිය එදා මෙදාතුර ගොඩක් අයට මාව අමතක වෙද්දි මා මග දාල නොගියා.....මගේ හැම සැපදුකක්ම බෙදාගත්ත මගේ සහෝදරයෙක් වගේ මං එක්ක රෑ එළිවෙනකං මගෙ තනියට හිටිය මගේ පරණම ආදරණීය සහෝ....ඔබ අමරණීයයි....!

ඔහු නම්න් Asrock P4i45GV .......

මමත් පොටෝකාරයෙක් උනා.....

2010-12-05T23:56:00.000+05:30

මේ පොස්ට් එක ලියද්ද රෑ 11.56යි එකපැත්තකින් අපේ අම්ම පොඩි කන්කෙඳරියක් දානවා...."ඕකෙ එල්ලිල හිටිය ඇති දැන්වත් ඕක වහල ගිහින් නිදාගන්න" කියලා කොහොම උනත් මේ වෙද්දි මගේ මූණූ පොතේ යාළුවෙක් වෙන චමිල් විමුක්ති මලයගේ අදහසක් හේතුකොටගෙන මම මෙච්චරකල් මං ගාව හංගෙන හිටිය මා විසින් ගත් පින්තූර අන්තර්ජාලය වෙත මුදාහැරීමට තීරනයක් ගත්ත......ගිහිල්ලම බලන්නකෝ......තව ටික දවසකින් තව ගොඩක් පින්තූර එළියට එයි

මෙතන ක්ලික් කරන්න....!!

මතු සම්බන්ධයි....!

මගේ දෙසැම්බරයට වෙච්ච දෙයක් අනේ.....!!!!!!

2010-12-05T20:45:00.000+05:30

මුලින්ම කියන්න ඕනි කියන්න තරම් සුභවාදි තොරතුරක් නෙවෙයි මට නම් මේක මොකද මේ දවස් වල මම වෙඩ්න් එකට ලෑස්තිවෙනවා නොවැ. දැන් කස්ටිය බලන්න පුළුවන් මම මේ මොකක්ද කරන්න යන්නෙ කියලා....මගේ අම්මො දැන්ම මට නම් බැහැ ජීවිතේ විනාසකරගන්න මේ වෙන්නෙ අපේ අක්කගෙ වෙඩින් එකක්.....මේ දවස් වල ටිකක් කියන්නත් බැහැ අම්බානෙකට ම‍ගෙ ඔලුව ගිනි අරගෙන ඉන්නෙ කිව්වොත් හරි..කොහොම උනත් අක්කනෙ ඉතින් අහකබලන්නත් බැහැනෙ නේද ?, ඔන්න කස්ටිය දැන් වෙඩිං කේක් ඉල්ලන්න පුළුවන් ඔන්න කලින්න කියන්න තියන්නෙ මගේ වැඩ සටහනත් දැන් කේක් වෙලා තියෙන්නෙ.....ඒ තරම් jam වෙලා ඉන්නෙ.....අනේ මංද

පුනරාගමනය...

2010-11-25T22:09:00.003+05:30

ඉස්සෙල්ලාම මම හැමෝගෙන්ම සමාව ඉල්ලනවා කාලයක් සද්දයක් නැතුව හිටිය එකට..පහුගිය කාලෙ ගොඩක් දේවල් උනා හිත හැදෙන දේවල් හිත කැඩෙන දේවල් වගේම පිස්සු හැදෙන දේවලුත් උනා...කොහොම උනත් මගේ ජීවිතේ ඔහේ සරුංගලේ වගේ පාවෙලා යද්ද ඔය අස්සට ගස් ,ගල්, මුල් වගේම යෝජනා චෝදනා එහෙමත් එකතු වෙලා පොල් සම්බෝලයක් වගේ රස උනා ,ඒ උනාට ඔය අස්සෙ දෙහි ඇටත් හැපුනෙට නැතුව නෙවේ...ඔන්න ඔය වගේ දේවල් එක්ක මගේ බ්ලොග්කරනයත් අඩාල වෙලා තියෙද්දි මගේ බොක්කෙම යාළුවෙක් වෙන අපේ කණිශ්ක සහෝදරය මගෙන් ඇහුව දැන් බ්ලොග් එක පැත්තෙ යන්නෙම නැහැ නේද කියලා...මටත් හිතුන ඒක ඇත්ත මම මගේ බ්ලොග් එකට හෙනහුරාගේ බැල්මක් වැටුන වගේ අත්ඇරලම තිබ්බ නිසා ආයෙ අලුතින් ගොඩගන්න කියල හිතා ගත්ත.....ඒ වගේම මගේම කියාල වෙබ් අඩවියක් කරන්න කියලා ලොකු ආසාවක් තිබ්බ...ඔන්න දැන් ඒකත් ඉශ්ඨසිද්ධ වෙලා තියෙනවා කිව්වොත් හරියටම හරි...

http://www.lakshithachinthana.tk/

ඕක තමා ඇඩ්රස් එක ගිහිල්ලම බලන්නකෝ.......ඒ ගැන කියන්න තියෙන හැමදේම කිසිට බයක් නැතුව

whlcranasinghe@gmail.com කියන මේල් ආඩ්රස් කියන එකට කියන්න........

ඉක්මනටම මගේ අළුත් එකක් දැන් බලාපොරොත්තුවෙන් අදට මම සමුගන්න එහෙනම් හැමෝටම ජයවේවා....!

________________________________________________________________________

පරිඝණකයේ ගබඩා ශක්තියේ Intel යුගය....

2010-09-22T07:41:00.002+05:30

සාමාන්‍යය පරිඝණකයක ශක්තියේ ඔබබට ගිය එහෙත් මතක ශක්තිය ඉතා උසස් ශක්තිමත් ගබඩා ශක්තියතින් හෙබි ඳෘඩ ඩිස්කයක් ලොවට හඳුන්වා දීමට Intel සමාගමට හැකියාවක් ලැබී ඇත....බොහෝ දෙනෙකුගේ මතයට අනූව මෙම නිශ්පාදනය පරිඝණකයේ ප්‍රමාණයත් ශක්තියත් කෙරෙහී ඍජුවම බලපාන බවයි....

මේ ගැන වැඩිපුර තොරතුරු මෙතනින්

වැඩි දුර දැනගන්න මෙන්න මේ වීඩියෝ එක බලන්නකෝ

You-tube Video software නැතුව බාන්නෙ කොහොමද ?

2010-08-18T21:51:00.001+05:30

ඔන්න Software දාගෙන You-tube Videos බාපු කාලෙ ගියා...මට හම්බ උනා Software නැතුව You-tube Videos බාන්න (Download) කරන්න පුළුවන් විදියක්......ඒ විදියට You-tube Videos බාන්න නම් මුලින්ම අපිට වෙබ් අඩවියට Savevideodownload යන්න වෙන්වා,

අපිට ලැබෙන්න ඇත්තෙ මෙන්න මේ වගේ වෙබ් පිටුවක් ලැබුනනම් වැඩේ හරි,දැන් කරන්න කියෙන්නෙ අපිට You-Tube වෙබ් අඩවියට ගිහින් අපිට බාගන්න (Download) කරන්න ඕනි කරන You-Tube Video එකේ URL එක Copy කරන්න....

දැන් ආපහු අපේ Savevideodownload වෙබ් අඩවියට ගිහිල්ල ඒකෙ තියෙන URL : කියන තැනින් ඉස්සර තියෙන හිස් කොටුව ඇතුළට Paste කරල ඊට ඉස්සරහින් Get Link කියන බොත්තම Clickකරන්න,එතකොට ඊට පහලින් Download යනුවෙන් Text එකක් සටහන් වෙයි

අන්න ඒ Download යනුවෙන් සටහන් වෙන Text එක Click කරනකොට මෙන්න මේ වගේ පිටුවක් පෙරලෙයි Massage Box එකක් එයි,ඒක

මේ වගේ එකක් ආවාම ඒකෙ Run කියන Click කරන්න,ඊට පස්සෙ අපිට ඕනි You-Tube Video එක Download වෙයි, ඔයාලත් කරලම බලන්නකෝ.....!

මේ ටික කාලය.....!!

2010-07-30T07:59:00.008+05:30

මුලින්ම මම සමාව ඉල්ලනවා මගෙ බ්ලොගයේ ලිපි පළ නොවීම සම්බන්ධයෙන්..ගිය දවස් ටික ගැන කියනව නම් ජීවිතේ ගොඩක් වෙනස් වෙනස් දේවල් ගොඩක් ආපු ගොඩක් දේවල් නැති උනු කාලයක් කිව්වොත් හරි ගොඩක් හැල හැප්පීම් අභියෝග එක්ක ගත උන කාලයක් විදියට දකින්න පුළුවන්,කරදර නැතිවාමත් නෙවෙයි...කොහොම උනත් එක එක සිද්ධි හේතුවෙන් මගේ බ්ලොගියේ වැඩ කෙරුනෙ නැහැ...ඔන්න ඉතින් ආයෙන් එන්න ලැබුන දැක්කහම දුකේ බෑ....ඉතින් හිතුව බ්ලොග් එක ආයෙ ගොඩදාන්න ඕනි කියල..ගිය දවස ටිකේ ගොඩක් දිව්වා...ආහ් කියන්නත් අමතක උනා...මොකද අපේ ගෙදර කස්ටියගෙ සෞඛ්‍යය පොඩ්ඩක් අස්පට් ගියා...මටත් එසේමය,මේ ලිපිය ලියද්දිත් අම්බානෙකට උණ ,මොනව කරන්නද ඉතින් ඔන්න කොහොම හරි පොඩ්ඩ පොඩ්ඩ ගොඩ ඇවිල්ල....මේ වෙද්දි යාන්තන් පණ තියෙන ගානට ඉන්න කිව්වොත් හරි.....අපාරාදෙ කියන්න දෙයක් නැහැ ඩිස්පැන්සරි කාරායො මගෙන් ගොඩක් පොහොසත් උනාකොහොම උනත් මගේ උපරිමයෙන් මගේ ජීවිතය මගේ බ්ලොගය වෙනුවෙන් කැපකරීමටත් එය පණහා සුරුකීමටත් මම පොරොන්දු වෙමි,මේ ටික කාලය හරියට තේරුම් ගන්න බැරි පොතක් කියෙව්ව වගේ....... අපි ඉක්මනටම හම්බ වෙමුකෝ....

පාපන්දු පිටියේ එදත් සූරයෝ.....අදත් සූරයෝ.......‍‍‍‍‍‍Fifa Champions..............

2010-06-18T10:34:00.006+05:30

ඔයාල බලනව ඇති මොනවද මම මේ කියන්න යන්නෙ......ඇත්තටම මම කියන්න යන්නෙ මම මීට ඉස්සෙල්ල දාපු ලිපියේ දෙවන කොටසක් වශයෙන්......මට හොයාගන්න ලැබුනා පාපන්දු ක්‍රීඩාවෙ සූරයන් ගැන තොරතුරු කිහිපයක්...කෙලින්ම කියනව නම් ලෝකයේ විවිධ රටවල් කොහොමද පාපන්දු ලෝක කුසලානය ලබාගන්න සමත් උනේ කියන එක....

පොඩ්ඩක් පෙනෙනවා පැහැදිලි මදි නම් ඒ රූපෙ උඩ Click කරන්න එතකොට පැහැදිලිව බලන්න පුළුවන් වෙයි....

පාපන්දු ලෝක කුසලානයේ උණුසුම අතරින් පාපන්දු ලෝක කුසලානයේ අතීතයට Back to "Football (soccer) History"

2010-06-16T18:49:00.016+05:30

මේ දවස් වල මුළු ලොක්යම පාපන්දුවක් පස්සෙ දුවන බව කව්රුත් දන්න රහසක්නෙ නේද ?
ඔන්න ඉතින් මම ඔයාලට අපි හැමෝම පිස්සුවෙන් වගෙ මේ දවස්වල බලන ලොක් පාපන්දු කුසලානයේ ඉතිහාසය ඔයාලට පොඩ්ඩක් පෙන්නල දෙන්න කියල හිතුවා....

මුලින්ම කියන්න ඕනි....මම මේ ඔයාලට දක්වන්නෙ පොඩිම පොඩි තොරතුරු කිහිපයක් විතරයි කියන එකයි...

ලෝකෙ මුලින්ම පාපන්දු ලෝක කුසලාන තරඟාවලියක් මුලින්ම පැවැත්තුවේ 1930 නමුත් 1928 දී පැවති ග්‍රීෂ්ම සෘතුව හෙවත් "1928 Summer Olympics" වන විටත් පාපන්දු ක්‍රීඩාවක් වශයෙන් පැවැත්වෙමින් තිබිල තියෙනවා,නමුත් මුලින්ම පාපන්දු ක්‍රීඩාව ජාත්‍යන්තර වශයෙන් පාපන්දු ලෝක කුසලාන තරඟාවලියක් මුලින්ම පැවැත්තුවේ 1930 ජූලි මස 30 වන දිනය ඉන් අනතුරුව පාපන්දු ලෝක කුසලාන තරඟාවලිය සැම වර්ශ 4 නටම වරක් ලොව පුරා විවිධ රටවල් තුල පවත්වන ලදි නමුත් 1942 - 1946 යන වර්ශයන් දෙකෙහි යම් හේතුන් මත පාපන්දු ලෝක කුසලාන තරඟාවලිය නොපවත්වා ඇත එයට පැහැදිලි හේතුවක් අදටත් දක්වාද නොමැත.පළමු පාපන්දු ලෝක කුසලාන තරඟාවලියහි ශුරතාවය ලබා ගෙන ඇත්තේ "උරුගුවේ" රාජ්‍යය විසින්මය ඒ ආජන්ටිනාවට එරෙහිව ගොල 4 ට ‍2 වශයෙනි,එම තරඟාවලිය නැරඹන්නන්ගේ 93 000 පමණ පිරිසක‍ගේ සහභාගීත්වයෙන් පවත්වන ලදි,තවත් විශේෂයක් වනුයේ උරුගුවේ රාජ්‍යය ලොව පළමු පාපන්දු ලෝක කුසලාන තරඟාවලියහි සත්කාරක රට ලෙසද කටයුතු කිරිමට අවස්ථාව ලැබීමයි.......

මේ තියෙන්නෙ ලොව පළමු පාපන්දු ලෝක කුසලාන තරඟාවලියහි නිල දැන්වීමයි

මේ ඉන්නෙ ලොව පළමු පාපන්දු ලෝක කුසලානයේ ශුරයින්......වන "උරුගුවේ" රාජ්‍යයේ ක්‍රීඩකයින් පිරිස....

එතකොට මේ ඉන්නෙ අනුශුරයින් වන ආජන්ටිනා රටේ ක්‍රීඩකයින් පිරිසයි....

එතකොට මේ තියෙන්නෙ ලොකයේ පළමු පාපන්දු ලෝක කුසලානය.........

මේ තියෙන්නෙ අවසන් මහා තරඟායට යොදාගත් පාපන්දුවයි

උරුගුවේ රාජ්‍යයේ ජයග්‍රාහී ගොලය හා ජයග්‍රහනය කැමරා කාචයේ සටහන් වුයේ මෙසේය......

Reset User Account Password in Ubuntu උබුන්ටු හි මුරපද නැවත පිහිටු වීම

2010-05-21T06:35:00.014+05:30

ඔයාලත් උබුන්ටු පාවිච්චි කරන අය නම් ඔයලටත් කවදා හරි ඔයාලගෙ User Account එකේ මුරපදය එහෙම නැත්නම් Password එක අමතක වෙලා තියෙනවද ? බැරිවෙලාවත් එහෙම උනොත් මොකද කරන්නෙ ? Windows සංස්කරණයහි මෙන් උබුන්ටු වල මුරපද වෙනස් කරන්න බැහැනෙ ඒහිංද මම හිතුව ඔයලාට කියල දෙන්න කොහොමද උබුන්ටු වල මුරපද වෙනස් කරන්නෙ කියලා........
හරි මුලින්ම අපිට අපේ User Account එකේ මුරපදය එහෙම නැත්නම් Password එක අමතක උනා කියල හිතමුකො...

මුලින්ම කරන්න තියෙන්නෙ අපේ පරිඝණකය නැවත පණ ගන්වන්න එහෙම නැත්නම් කොම්පියුටර් භාෂාවෙන් කියනව නම් Restart කරන්න

ඔයා උබුන්ටු විතරක් පාවිච්චි කරන කෙනෙක් නම් ඔයාට මේ වගේ GRUB Loading Screen එකක් ( GRand Unified Bootloader) එකක් එයි බයවෙන්න දෙයක් නැහැ එතකොට ඔයාලගෙ keyboard එකේ "Escape" kay එක ඔබන්න...

නමුත් ඔයාල උබුන්ටු එක්කම වින්ඩෝස් මාදිලියේ මෙහෙයුම් පද්ධතියක් පාවිච්චි කරනව නම්....ඔයාලට අර මුලින්ම පෙන්නපු GRUB Loading Screen එක හෝ මම මේ පහතින් පෙන්වන ආකාරයෙ මුහුණක් ලැබෙයි....

ඊට පස්සෙ කරන්න තියෙන්නෙ ඉහත මා දක්වා ඇති ආකාරයටම "Recovery Mode" එක Select කරල Enter කරන්න....

එතකොට මෙන්න මේ වගේ මුහුණතක් ඔයාලට ලැබෙනු ඇත......

ඊට පස්සෙ ඒ ලැබෙන මෙනු එකේ “Drop to root shell prompt” කියන පහසුකම Select කරල enter key එක ඔබන්න....

ඒ එක්කම ඩොස් මුහුණතකට පැමිණ නවතිනු ඇත....

එහි බොහෝවිට ඔබේ ගිණුමෙහි නම ඉදියෙන් පෙන්වන්නට ඉඩ ඇත....කෙසේවෙතත් දැන් මුලින්ම

1. passwd කියල Type කරල හිස්තැනක් (Space) එකක් තියල ඔබේ ගිණුමේ නම Type කරල enter key එක ඔබන්න

2. ඊට පස්සෙ මුර පදය ඉල්ලයි....බය වෙන්න දෙයක් නැහැ ඔයාලට කැමති මුරපයක් (password) එක Type කරන්න

3. දැන් ආයෙ enter key එක ඔබන්න

4. ආයෙත් පාරක් මුලින්ම Type කරපු password එක Type කරල enter key එක ඔබන්න

සැලකිය යුතුයි - (බොහෝවිට ඔබ විසින් Type කරනු ලබන මුර පදය ඔබට නොපෙනෙනු ඇත)

වැඩේ හරියටම සිද්ධ උනා නම් මෙන්න මේ වගේ පණිවිඩක් එයි

ඊට පස්සෙ කරන්න තියෙන්නෙ

"reboot" Type කරල enter key එක ඔබන්න

එවිට නැවතත් පරිඝණකය නැවත පණ ගැන්වීමක් සිදුවනු ඇත......ඉන්පසු සුපුරුදු පරිදි ඔයට ඔබේ ගිණුමට පැමිණ මුරපදය ඉල්ලනු ඇත...එවිට පෙර ඔබ ලබා දුන් මුර පදය ලබා දෙන්න......

දැන් එයාලට පෙර ආකාරයෙන්ම සුපුරුදු පරිදි ඔබේ උබුන්ටු මෙහෙයුම් පද්ධතියේ වැඩ කටයුතු කරගෙන යාමට හැකියාව ලැබෙනු ඇත....

වැඩි පුර අවබෝධය ලබා ගන්නත් එකක් මේ විඩියෝ එකත් බලන්නකෝ....

විඩියෝ බලන්න

කවියෙන් සුභ පැතුම්.....!!!!!!!!

2010-05-13T23:32:00.005+05:30

මුලින්ම මේ කියන්න යන්නෙ මේ දිනවල කාගෙත් කථා බහට ලක්වෙන ලාංකීය සිතුවිලි-කවි මඩුවගැනයි....කොහොම උනත් මේ වෙද්දි ගොඩක් දෙනා මේ වෙදිදි වේදිකාවෙ පුහුණු වෙමිනුවි ඉන්නෙ ඉතින් මට හිතුනා ඒ සියළුදෙනාටම මේ කාර්යය යහපත් අයුරින් කරගෙන යන්න ශක්තිය වාසනාව පතන්න......මම සහභාගි වේන්නට බලාපොරොත්තුවකි තියෙනවා....කොහොම උන්ත අපි මේ දේ කරන්නෙ බොහෝම සතුටින් විනෝදෙන්....ඒක ඒ හැමදෙනාම දන්නවා......

හැමෝටම ජය වේවා....!!!
වාසනා වේවා....!!!

සිතුවිලි එකතු කොට පදමට ගලපාලා
ගෙනනා සැම දෙනට අදහිත දක්වාලා
බලනා සැම දෙනට වින්දයක් දීලා
ජය වේ කවි මඩුව ඉන්නෙමු රොක් වීලා

සැමට මනුෂ්‍යත්වය සමඟ උබන්ටුUBUNTU with Humanity to others

2010-05-13T20:16:00.008+05:30

මම මේ කියන්න යන්නෙ මටත් ලැබුන ආරංචියක්.....මට මේක ගොඩක් හිතට ඇල්ලුව...ඒක හිංද මම මේක ඔයාලටත් දෙන්නම්කෝ.....බලන්නකො ඔයාලත් අහල එහෙම..

සැළතිය යුතුයි - මෙම දැන්වීම Computer Science Society of the University of Colombo නිල වෙබ් අඩවියෙන් උපුටා ගන්නා ලදි

මෙන්න ලින්ක් එක.....

මෙතන කොටන්න | Click Here

කාටත් වද දෙන Error Messages සිනහ මුසු මුහුණින් දකින්න...."Let's see Funny Error Messages"

2010-05-10T23:29:00.010+05:30

ජිවිතයත් අද වන විට කොම්පියුටරයක් වගේ සංකීර්ණ වෙලා තියෙන්නෙ.....මට එහෙම හිතුන වාර අනන්තයි,කොහොම උනත් කොම්පියුටරය කියන්නෙ නම් අද වන විට සෙල්ලම් බඩුවක් මා සමාන වෙලා තියෙන්නෙ..මම කියන්න ඕනෙ නැහැ ඔයාලම දන්නව ඇතිනෙ නේද ?,ගොඩක් අය Error Messages කියපු ගමන් වෙව්ලන්න පටන් ගන්නවා.ඒත් තවත් කෙනෙකුටම් ඒ ගැන කිව්වට ගානක්වත් නැති තරම්....කොහොම උනත් එදිනෙදා ජීවිතයෙදි අපට කොම්පියුටරයක් පාවිච්චි කරන්න වෙන වාර අනන්තයි..බලන්න ඔයාටලටත් මේ වගේ Error Messages හම්බ වෙලා තියෙනවද කියාල..

පින්තූර පැහැදිලි මදි නම් බලන්න ඕනි කරන පින්තූරය උඩ කොටන්න..........

දැන් ඔයාල කොම්පියුටර් වල Error Messages දැක්කනෙ නේද ?
ඒත් කවද හරි දවසක පොතක Error Messages එකක් දැකල තිවෙනවද ?
මේකත් එක්තරා කොම්පියුටර් Error Messages එකක්ම තමා............

අහෝ වස්සාන කාලෝ............

2010-05-06T16:43:00.007+05:30

මේ දවස් වල ලංතාවෙ එක එක පැති වලට වර්ෂාවෙන් සිද්ධවෙන හානි කව්රු කව්රුත් දකින්න ඇතිනෙ...මම මේ කියන්න යන්නෙ අපේ පැත්තට වර්ෂාවෙන් උන සිද්ධියක්,හැබැයි මේක එක පත්තකින් බැලුවහම...පොඩි අයට බොහොම විනෝදය ගෙන දෙන සිද්ධියයක්....ඔන්න ඉතින් හරියටම දවස කිව්වොත් 2010 අප්‍රේල් මාසෙ 30 වෙනිදා ඒ කියන්නෙ කම්කරු දවසට ඉස්සෙල්ල දවසේ අපේ පැත්තට දරුණුවටම වැස්ස කියන්න දෙයක් නැහැ උළු තියල තිබ්බ අපේ ගෙදරත් එදා පැල්පතක් වගේ තෙමෙන්න පටන් ගත්ත....මට ඉතින් සතුට බොහෝමයි...මොකද වැස්ස දවස් කියන්නෙ නිදාගන්න කියාපු දවස් හිංද,ඉතින් පහුවදා උදේ සුමුරුදු පරිදි උදේ 6.30 විතර නැගිට්ට..ඔන්න දැන් මට ඇහෙනව දිය ඇල්ලක ශබ්දයකට සමාන ශබ්දයක්..මමත් ඉතින් ඇහැරිලා එළියට බැහැල බැලුව මොකක්ද මේ වෙන්න කියල....අම්මේ බලද්දි අපේ ගෙට එහා පැත්තෙ තියෙනවා වෙල් යායක් ඒක වතුරෙන් උතුරල ආයෙ බලන්න දෙයක් නැහැ කොටිම්ම කිව්වොත් පොඩි වැවක් වගේ....මමත් ඉතින් ගිහිල්ල අසිරිය බල බලා හිටිය...මේක අපේ පොඩි උන්ට නම් සැහේන විනෝදයක් උනා....ඒත් වෙල් වැඩ කරන අය නම් ටිකක් නොසන්සුන් වෙලා හිටියේ......මමත් අපේ ගෙදර ගැන්සියත් එක්ක ගිහින් ඔය සිද්ධිය බල බලා ඉද්දි මට හිතුනා දැකපු නොදැකපු අය මේ කොයි කාටත් බලන්න එක්ක මේ පින්තූර ටික ඔයලට පෙන්නන්න...ඉතින් මම මගේ Phone එකෙන් පින්තූර ටිකක් අරගත්ත.ඔයාලත් බලන්නකෝ..එදා අපේ ගමට හරියට ගංවතුර ගලලා වගේ තිබ්බෙ......

පින්තූරෙ ලොකුවට බලාගන්න පින්තූරෙ උඩ කොටන්න

ඔබේ පරිඝණකයේ Driver ගොනු සුරකින්නට පුංචි මිතුරෙක්"Little Friend for Save Your Driver Files"

2010-05-03T12:01:00.017+05:30

ඔයාලටත් ඔයාලගේ කොම්පියුටර් එකේ Driver Files නැතුව දුක් විඳින්න වෙලා තියෙනවද ?,මට හම්බ උනා ලේසියෙන්ම Driver Files යන්න පුළුවන් විදියක් ඒ මෘදුකාංගයේ එකේ නම "Double Drivers" කියලා..අපිට ‍බොහෝ වෙලාවට Driver මතක් වෙන්නෙ අපේ කොම්පියුටර් එක Format කරහම තමානේ...මේකට තියෙන හොඳම විසිඳුමක් තමා මේ "Double Drivers" මෘදුකාගය.මේක භාවිතය හරිම ලේසියි.අපිට කරන්න තියෙන්නෙ අපේ කොම්පියුටර් එකට මුලින්ම මෙහෙයුම් පද්ධතිය දාපු අළුතම මේ මෘදුකාංගය දාන්න තමා..කෙටියෙන්ම කිව්වොත් මේ මෘදුකාංගය ස්ථාපනය කරන්න ඕනි වෙන්නෙ නැහැ....ඉස්සෙල්ලාම කරන්න තියෙන්නෙ "Double Drivers" මෘදුකාංගය අන්තර්ජාලයෙන් භාගත කරගන්න එක තමා.මේ මෘදුකාංගයේ තියෙන පහසු දෙයක් වන්නේ මෙම මෘදුකාංගය ඕනෑම මෙහෙයුම් පද්ධතියක් සමඟ ලේසියෙන්ම ක්‍රියාකරන එකම තමා

ඒකම මම මුලින්ම ඔයාලට "Double Drivers" මෘදුකාංගය භාගත කරගන්න Link එකකුත් දෙන්නම්‍කෝ...

මෙතන කොටන්න | Click Here

බොහෝවිට මේ මෘදුකාංගය අපිට ලැබෙන්නෙ Zip File එකක් විදියට.අපි ඒක Unzip කරගෙන මෘදුකාංගය Run කරපුවහම මේ වගේ එකක් ආව නම් වැඩේ හරි

දැන් අපිට කරන්න තියෙන්නෙ අපේ පරිඝණකයේ Drivers Back up කරන්න,ඒ කියන්නෙ අපේ කොම්පියුටර් එකේ තියෙන Driver Files වලින් කොපියක් ලබා ගන්න එක තාමා,මුලන් අපිට කරන්න තියෙන්නෙ අපේ කොම්පියුටර් එකේ තියෙන Driver list එකක් ලාබා ගන්න එක තමා.මුලින්ම කරන්න තියෙන්නෙ මෘදුකාංයේ තියෙන Scan කියන එක උඩ Click කරන්න,දැන් අපිට අපේ කොම්පියුටරයේ කියෙන Driver ඔක්කොම list එකකට එයි හරියටම මෙන්න මේ වගේ

ඊළඟට කරන්න තියෙන්නෙ අපිට Back up කරන්න ඕනි Driver තොරන්න(Select) තමා ,මම නම් මේකෙ ඔක්කොම Driver තෝරනවා මොකද එතකොට අපිට එකපාරම ආයේ Drivers ස්ථාපනය කරන්න ලේසි හිංද,කොහොම හරි ඔයාලට ඕනි විදියට Drivers තෝරල ඊට පස්සෙ ඒ මෘදුකාංගයේ කියෙන "Backup" කියන එක දෙන්න.දැන් වැඩේ හරි නම් මේ විදියට Save කරන්න ඕනි තැනක් ඉල්ලයි,ඊට පස්සෙ ඔයාලට ඕනි තැන දීල OK කරන්න,දැන් හරියටම වැඩේ උනා නම් මේ විදියට Drivers Backup වෙන්න පටන් ගනී.මේ වැඩේට විනාඩි කිහිපයක් ගනී.

වැඩේ ඉවර උනහම මේ වගේ එකක් එයි ඒක Close කරන්න.

දැන් අපිට දකින්න පුළුවන් මුලින්ම අපි අපේ පරිඝණකයේ Drivers Save කරන්න ඕනි තැනට ගියොත් අපේ Driver ගොනු දකින්න ලැබෙයි මෙන්න මේ විදියට

දැන් මම කියන්න යන්නෙ කොහොමද අපි ‍අපේ කොම්පියුටරයට "Double Drivers" මෘදුකාගය උපයෝගී කරගෙන ප්‍රතිස්ථාපනය කරන්නෙ කියන එකයි

මුලින් පෙර පරිදිම "Double Drivers" මෘදුකාගය විවෘත කරගෙන Scan කරල, අපිට ඕනි ඒව තෝරල Restore තෝරල දෙන්න විතරයි තියෙන්නෙ මේ මෘදුකාංගය පාවිච්චිය බොහොම ලේසී......

උබුන්ටු බිත්ති කඩදාසිය වෙනස් කිරීමChange the Ubuntu Desktop Wallpaper

2010-05-02T20:03:00.009+05:30

ඔන්න මං ගානෙ උබුන්ටු | Ubuntu පාවිච්චි කරන අයටයි....වෙන්ස් ආකාරායට wallpapers හොයට අයටයි....මේ වගේ ඕනිම අයෙකුට මං ගානෙ හොඳ wallpapers ටිකක් දෙන්න අවස්ථාවක් ලැබුනා,මේක මම හොයාගත්තේ අන්තර්ජාලයේ ඇවිදිද්දිම තමා...

වෙනස් දෙයක් විදියට දැකපු හින්ද මට හිතුන ඔයාලටත් පෙන්නන්න කියල
ඔන්න මම Link එකක් දැම්ම බලන්නකො ඔයාලට ගිහිල්ලම.....

මෙතන කොටන්න | Click here

Linux හී ලාංකීය නියෝජනය........"හන්තාන Linux | Hunthana Linux 11.1"

2010-05-01T21:32:00.014+05:30

ඔන්න ඉතින් මමත් සුපුරුදු පරිදි අන්තර්ජාලයේ අතරමං වෙලා ඇවිද ඇවිද ඉද්දි දකින්න ලැබුන "Hanthana Linux 11.1" කියන වචනෙ,කිව්වට මොකද අහග තිබ්බත් දැක්කෙ අද තමා.....මේක Fedora කියන විවෘත මෙහෙයුම් පද්ධතිය යම් යම් වෙනස් කිරීමකින් හා යම් යම් ගති ගුණ වෙනස් කිරීමකින් අනතුරුව එළිදක්වා ඇති නිර්මාණයක් කිව්වොත් හරි යයි මට හිතුනා...මට ,ඔන්න ඉතින් මමත් පණ දාගෙන Download කරගෙන කොම්පියුටර් එකට දාල බැලුව.ෂා......කියන්න දෙයක් නැහැ....කෙටියෙන්ම කිව්වොත් උපරිමයි,ඉතින් මටත් හිතුන ඔයාලත් එක්ක මේ බෙදාගන්න,ඔයාලත් බලන්නකො මේක කොහොමද කියලා....හැබැයි මේ ගැන මට මුලින්ම කියල දුන්නෙ අපේ දක්ෂ Blog ලියන්න් දෙන්නෙක් වන සංජය සහ දර්ශන කියන සහෝදරයො දෙන්න තමයි..

Go to Hanthana Linux Home page
(හන්තාන ලිනක්ස් වෙබ් අඩවියට පිවිසෙන්න)

මේ තියෙන්නෙ හන්තාන Linux මෙහෙයුම් පද්ධතියෙ Desktop එකේ රූපයක්

තවත් හන්තාන Linux මෙහෙයුම් පද්ධතියෙ රූප බලන්න ඕනි නම් මෙන්න ඒකට ඉඩ

Go to Hanthana Linux Screenshots
(හන්තාන ලිනක්ස් හි පින්තූර දකින්නට පිවිසෙන්න)

එකෙන්ම ශ්‍රී ලාංකික වෙන්න Ekenma.com

2010-04-29T08:55:00.010+05:30

ඔන්න මම මේ කියන්න යන්නෙ අපේ ලාංකික ගතින මුලු ලෝකයටම අරලෙන යන්න අපේම කියල site එකක් ඇව්ල්ල තියෙනව කියල සතුටින් කියන්නයි යන්නෙ.site එකේ නම Ekenma.com.මම කියනවට වඩා ඔයාලම ගිහිල්ල බලන්නකෝ...එතකොට ඔයාලටම නියම ලාංකික ගතියක් දැනෙයි

Ekenma.com යමු

Ekenma.com | එකෙන්ම.com

මමත් අලුත් උනා ඔන්න එහෙනම්.........

2010-04-27T10:12:00.004+05:30

මමත් ඉතින් හිටපු විදියටම ඉන්න බැරි හිංද මමත් මගේ බ්ලොග් එකේ වැඩ කෑලි පොඩ්ඩක් වෙනස් කලා. ගිය දවස් ටිකේම මගේ ශරීර සෞඛ්‍ය පොඩ්ඩක් අයහපත් උනා ඒත් දැන්නම් ටිකක් අඩු උනා කොහොම උනත් ඔයාලව දාල යන්න නම් කිසිම අදහසක් නැහැ....ඒ හිංදම මම මගේ වැඩ කටයුතු අලුතින් කරන්න කියල හිතාගෙන..නමෝ විත්තියෙන් වැඩ පටන් ගත්ත,ඉතින් මගේ ගුන දොස් කියන්න,ඔයාලා තමයි මගේ සාර්ථකත්වයේ රහස.ඉතින් මේ වගේම මාත් එකක් හැම්‍දාම ඔයාල ඉන්න බව විස්වාස කරමින් මම නවතිනව ඉක්මනටම තවත් අලුත් දෙයක් අරගෙන ඔයාල හම්බ වෙන්න හිතාගෙන

මේ පාර අවුරුද්ද අපිට කොහොමද ?

2010-04-16T07:52:00.003+05:30

ඔන්න ඉතින් අවුරුද්දත් ඇවිත් ගියා....රටේ තැන් තැන් වල තාම අවුරුදු උත්සව තියෙනවා..තාම මිනිස්සු විනෝද වෙනවා, අද උදෙන්ම ගොඩක් අය රැකි රක්ෂා වලට පිට වෙලා ගියා..කොහොම උනත් මේ පාර අවුරුද්ද ගොඩක් දුරට සාමකාමීව පැවැත්වුනා කිව්වොත් මම හිතන්නෙ හරි, රටේ උඩහ කොටස....ඒ කියන්නෙ උතුර පැත්තෙ අහිංසක මිනිස්සුට මේ පාර නිදහසේ අවුරුද්ද සැමරන්න අවස්ථාවක් ලැබුනා...මුලු ලංකාවම එකම කාලයක එකම වෙලාටව අවුරුද්ද සමරන්න වාසනාවක් තිබ්බ,ඇත්තටම මේ පාර බොහෝවිට නිදහසේ අවුරුද්ද කිව්වොත් හරියටම හරි

සුභ නව වසරක් වේවා .....ශ්‍රී සුභ නව වසරක්....!!!!!

2010-04-14T08:55:00.010+05:30

උණුසුම් පුවත් ඔබේ දෝතටම ගෙනත් දෙන ලාංකීය පුවත් පත්

2010-03-31T06:43:00.026+05:30

මෙන්න මං ගානේ ඔයාලට දැනට ලංකාවෙ ඉදිරියෙන්ම සිටින ප්‍රධාන පෙලේ
පුවත් පත් කිහිපයක්.......!!!!!

දිවයින පුවත් පත

ඉරුදින පුවත් පත

ලක්බිම පුවත් පත

ලංකාදීප පුවත් පත

රිවිර පුවත් පත

සිළුමිණ පුවත් පත

පුවත් කියවීමට යාමේදී සිදුවන මුද්‍රිත අකුරු සම්බන්ධ ගැටළු සඳහා පිළියමක්......!!!

මුද්‍රිත අකුරු - (Fonts)

ලොව හොඳම ප්‍රති ‍වෛරස මෘදුකාංග 10 (Top 10 Antivirus Guard Software)

2010-03-22T08:41:00.022+05:30

අද වන විට ලෝකයේ පරිඝණක භාවිතය බොහෝ සෙයින් ඉහල ගොස් ඇති යුගයක සිටි අපිට අහන්න අකමැතිම දෙයක් සම්බක්ධයෙ මම එයාලත් එක්ක කථා කතා කරන්න කියල හිතුවා

කියන්න දෙයක් නැහැ Blog එක දැකක් ගමන් ඔයාල දන්නව මම මොනවද කියන්න ‍යන්නෙ කියලා
ඇත්තටම මම ඔයාලට කියන්න යන්නෙ ලොව හොඳම ප්‍රති ‍වෛරස මෘදුකාංග ගැනයි
පරිඝණක වෛරස ගැන මම ඔයාලට කියනවට වඩා ඔයාල ඒ ගැන දන්නව කියල හිතෙනවා. කොහොම උනත් මම හිතුව හැමදේටම කලින් මොකක්ද මේ "පරිඝණක වෛරස" කියන්නෙ කියන එක නොදන්න අයටත් එක්ක දැන ගන්න කියල දෙන්න ඕනි කියල.......

"පරිඝණක වෛරස" කියන්නෙ එක හරියට සියයට සියයක් නිර්වචනය කරන්න කියොත් ගොඩක් වෙලා යන හිංද මම කෙටියෙන් කියන්නම්....."පරිඝණක වෛරසයක් කියන්නෙ පරිඝණකයේ ක්‍රියාකාරීත්වයට බාධා කරන විනාශකාරී ඕනෑම වැඩසටහනක්" අපිට පරිඝණක වෛරසයක් කියල කියන්න පුලුවනි

ලොව ප්‍රථම වෛරසය බිහිවී ඇති බවට දැනට දැන ගැනීමට ලැබෙන්නේ 1982 දීය,15 වියැති උසස් අධ්‍යපන ලබමින් සිටින නව ශිෂ්‍යයෙක් වන "Richard Skrenta" විසින් ලොව වෛරසය නිශ්පාදනය "wikipedia" තුලින් සෙවීම්දී පෙන්වා දෙයි,නමුත් විවිධ වෙබ් අඩවි තුළ මොහුගේ නාමට විවිධ ආකාරයෙන් දක්වා ඇත.
කෙසේ වෙතත් ලොව ප්‍රථම වෛරසයේ නාමය වී ඇත්තේ "Elk Cloner" යන නාමයයි
එතැන් පටන් අද නව විට රිඝණක වෛරස විවිධ ආකාරයෙන් අද වන විට අන්තර්ජාලය හා අනෙකුත් විවිධ මාධ්‍යයන් හරහා ලොව පුරා පරිඝණක භාවිතා කරන්නන්ගේ අප්‍රසාදය හිමි කර ගැනීමට සමත් වී ඇත

ඔබට තවත් මේ සම්බන්ධයෙන් දැන ගැනීමට සඳහා මා පහත දක්වන වෙබ් අඩවි සම්බන්ධයන් උපයොගී කර ගත හැකිය

Elk_Cloner වෛරසය
පරිඝණක වෛරසයේ ආරම්භය

කෙසේ හෝ මේ වන විට මෙම පරිඝණක වෛරස සඳහා තාවකාලික විසඳුමක් සොයා ගෙන ඇත,අප එය "ප්‍රති ‍වෛරස මෘදුකාංග" - (Antivirus Software)නමින් හඳුන්වයි
දැනට ලොව බොහො ප්‍රසිද්ධ සමාගම් මගින් මෙ‍ම ප්‍රති ‍වෛරස මෘදුකාංග නිශ්පාදනය සිදුකරනු ලැ‍‍බේ
කෙසේ වෙතත් ලෝකයේ අද වන විට ප්‍රති ‍වෛරස මෘදුකාංග නොමැතිව අන්තර්ජාල භාවිතයද අපහසු වී ඇත

දැනට ලෝව ප්‍රසිද්ධම වෙබ් අඩවියක් නව "toptenreviews.com" මගින් මෙම කරදරකාරී පරිඝණක වෛරස සඳහා යෝග්‍ය යැයි ප්‍රකාශ කර ඇති ප්‍රති ‍වෛරස මෘදුකංග 10 කි,

ඒවා නම්

1. Bitdefender AntiVirus

2. Kaspersky AntiVirus

3. Webroot AntiVirus with SpySweeper

4. Norton AntiVirus

5. ESET Nod32 AntiVirus

6. AVG AntiVirus

7. F-Secure AntiVirus

8. G DATA AntiVirus

9. Avira AntiVirus

10. Trend Micro AntiVirus with AntiSpyware

මොකක්ද මේ "එටිසෙලාට්".......!

2010-03-02T22:06:00.035+05:30

දැන්නම් ඔයාල එටිසෙලාට් කියන නම ගැන ගොඩක් දෙනා දන්නවත් ඇති
කොහොම උනත් දන්න නොදන්න ඔක්කොමලටම දැනගන්න කියල මම හිතුව එටිසෙලාට් ගැන ඔයාලත් එක්ක මම දන්න දේ බෙදාගන්න කියල හිතුවා

මුලින්ම මම අහන්න කැමතී ඔයාල දන්නවද Tigo (ටීගෝ) නමින් ජංගම දුරකථන සේවා ජාලයක් ගැන ?

අන්න ඒ ජංගම දුරකථන සේවා ජාලය 2009 වර්ශයේදී ලෝකයේ විශාලතම ජංගම දුරකථන සේවා සපයන්නෙකු වන අබුඩාබියේ පිහිටි එටිසෙලාට් ජංගම දුරකථන සේවා සමාගම මගින් මිලදී ගැනීමෙන් අනතුරුව ටීගෝ නමින් පැවති නාමය වෙනුවට එටිසෙලාට් නමින් වෙනස් විය.ඊට පස්සෙ ඒ ගැන මුලු ලෝකයම මහත් කුතුහලයෙන් කථා කරන්න පටන් ගත්තෙ.

මීට අමතරව ඒ වෙනකොට Tigo (ටීගෝ) හි පැවති තේමා පාඨයද වෙනස් කලා

ඒ කියන්නෙ

"Express Yourself" කියන තේමා පාඨය "It's all about You" කියල වෙනස් උනා

ඒ ගැන විවිධ අන්තර්ජාග වෙබ් අඩවි මගින් ප්‍රකාශයට පත්වෙන්න පටන් ගත්ත

එටිසෙලාට් සම්බන්ධයෙන් Totaltele.com වෙබ් අඩවියේ දක්වා තිබූ ප්‍රවෘත්තිය මම මෙසේ උපුටා දක්වන්න කැමතී

"Etisalat buys Tigo Sri Lanka for $207m
By Stefania Bianchi, Dow Jones Newswires
Monday 19 October 2009

Sri Lanka-based operator has 21% market share, 2.25 million users.
Abu Dhabi-based Emirates Telecommunications Corp., or Etisalat, said Saturday it acquired a 100% stake in Tigo Sri Lanka, a wholly-owned unit of Luxembourg-based Millicom International Cellular S.A., for $207 million as it continues its expansion into new markets.

"This new acquisition is a clear example of Etisalat's international investments strategy of seizing distinctive growth opportunities and maximizing value to shareholders," Etisalat Chairman Mohammed Hassan Omran said in an emailed statement.

Omran said Etisalat plans to invest in Tigo Sri Lanka to ensure that it has the "dynamism" to take the leading position in Sri Lanka's telecom market in the next few years.

Tigo Sri Lanka, which started operations in 1989, is Sri Lanka's second-largest mobile phone operator with a 21% market share and 2.25 million subscribers.

"The acquisition promises attractive returns as the Sri Lankan Government is increasing its effort to promote foreign investment in all sectors," Omran said."It also offers great opportunities for synergy with our other operations in the region, particularly in the U.A.E., Saudi Arabia and India."

Etisalat last week said it is close to finalizing a bond program aimed at financing foreign acquisitions and expanding into new markets.

The bond program - under which the company will be able to sell conventional bonds and Islamic bonds, or sukuk - is in line with "foreign expansion and acquisition activities Etisalat is carrying out in regional and global markets," it said, without specifying which markets it plans to expand into.

Etisalat expects its subscriber base to expand in 2010, from a current 85 million subscribers in Etisalat companies or affiliates across 17 markets in Asia and Africa."

මෙම ප්‍රවෘත්තිය උපුටා ගත් ස්ථානයට යන්න - www.totaltele.com

කෙසේ හෝ අවසාන ප්‍රතිඵලයක් විදියට අපේ ලංකාවට එටිසෙලාට් නම්න් ජංගම දුරකථන ජාලයක් ඇතිවුනා කිව්වොත් හරි

මෙන්න මං ගානෙ ඔයාලට දැන ගන්නත් එක්ක එටිසෙලාට් ගැන ඔබත් අපත් නොදනන්නා හෝ නොදැකපු තොරතුරු ස්වල්පයක්

මේ තියෙන්නෙ අබුඩාබියේ පිහිටි එටිසෙලාට් ප්‍රධාන කාර්යාලය

මේ තියෙන්නෙ අබුඩාබියේ එටිසෙලාට් ලාංජනය (LOGO)

මෙන්න ඉංග්‍රිසි භාෂාවෙන්...............

මෙන්න සිංහල භාෂාවෙන්...............

මේ තියෙන්නෙ එටිසෙලාට් වෙනුවෙන් ලංකාවේ බිහිවුන සංගීත වීඩියෝව

අසිරිමත් සිරීපාදයට ගිය ගමනක්.......

2010-02-23T19:26:00.004+05:30

ඔන්න ඉතින් අපේ පහලොස් දෙනෙක්ගෙන් යුත් අපේ කොල්ලො ටික එකතු කරගෙන අපිත් ඉතින් සිරීපාදෙ යන්න කියල හිතාගෙන 2010 ජනවාරි 30 වෙනිද උදෙන්ම අපේ ගමන පටන්
ගත්ත.....පොඩි පොඩි අඩුපාඩු තිබුනත් අපේ කස්ටියම ගමනට උපරිමයෙන්ම දායකත්වය දුන්න කිවිවොත් හරියටම හරි....ඉන්න නුවන් සහෝදරයවත් ඉස්සරකරගෙන අපේ ගමන පටන් ගත්තා
දැන් ඉතින් අපේ ගමන....ඔන්න ඉතින් මගදි අපිට ගම්මු පිරිසක් සුපිරි සංග්‍රයක් දුන්න..
(කිව්වට මොකද ඒ දවස්වල අපේ ජනාධිපතිතුමාගේ ජයග්‍රහණය සමරල දුන්න දන්සලකට තමා අපි ඔය ගොඩවැදුනෙ.....)..ඔන්න ඉතින් අපි ඒකත් රස බලන්න කියල හිතාගෙන එතන නතරවුනා අන්තිමට අපිට එයාල කෙසෙල් කිරිබත් වලින් සංග්‍රහ කරද්දි අපිත් සංගිතයෙන් එයාලට සංග්‍රහ කරල අපේ ගමන පිටත් උනා.....

එතනදි අපෙ කැමරා මල්ලියගෙ කැමරාවට අහුවුන රූප රාමු කිහිපයක් මෙන්න.........

ඔන්න ඉතින් අපි අපේ සංග්‍රහයට ස්තූතී කියල අපි අපේ ගමන අයෙත් පටන් ගත්ත.....දැන් ඉතින් අපේ කට්ටියගෙම බඩවල් හොඳම පිරිල......කොහොම හරි එදා හවස ඒ කියන්නෙ ජනවාරි 30 වෙනිද හවස 5 විතර වෙද්දි අපි සිරීපාද අඩවියට ලංවුනා......ඊට පස‍්සෙ අපිට මහන්සිය නිවාගන්න කියල...වාහනේ තේ වත්තක් අයිනෙ නතර කරල වටපිටව බලන්නත් එක්ක වාහනෙන් බැස්ස ආයෙ කියන්න දෙයක් නැහැ මාරම ලස්සනයි....ඒක අපිට වගේම අපේ කැමරා මල්ලිටත් එකම විදියට දැනුන කිව්වොත් හරි...අපේ කැමරා මල්ලිය....වටපිටා එයාගේ කැමරාවට අහුකරගත්තෙ මෙන්න මේ විදියටයි

ඔන්න ඔය විදියට දකින දකින හිතෙන හිතෙන තැන්වල නවත්ත නවත්ත විනෝදෙන් අපේ නඩේ සිරීපදේ බලා යන්න පටන්ගත්ත.....(ඔය අතර ඉතින් නොකිව්වත් මොකද එක එක චාටර් සීන් පවා සිද්ධ උනා.....ඒ සිද්ධි හින්ද....සමහර කොල්ලො අදටත් නොන්ඩි වෙනවා....)
කොහොම උනත් ඔය සිද්ධි එක්කම නොසැලී අපේ නඩේ සිරීපාදයට ගොඩබහිද්දි හවස 7 විතර උනා.....ඊට පස්සෙ ඔන්න අපේ කිරිකොඩු කාරයො දෙන්නෙක් හිටිය.....අන්න ඒ දෙන්නත් සූදානම් කරගෙන අපේ අනිත් කස්ටියත් සිරිපා කරුණාකරන්න ඕනිකරන දේවල් අරගෙන අපේ ගමන සුමන සමන් දෙවි පිහිටෙන් පටන් ගත්ත.....

කියන්න සතුටුයි අපිට කිසි කරදරයක් නැතුව ගමනේ ‍70% දුරක් යන්න පුළුවන් උනා...ඊට පස්සෙ තමා අපිට ඇත්තටම සුමන සමන් දෙයියො සිහි උනේ...අපි පොඩ්ඩක් ගිමන් හරින්න කියල මගදිනතරවුනා...

ඊට පස්සෙ අපි ආයෙමත් අපේ සිරීපාදය කරුණා කරන්න පටන් ගත්තා...ඒ අතරමගදි අපේ කිරිකොඩු එකෙක් බැහැ කියල මගදි නැවතුනා..ඇත්තමයි...එතනින් එහාට යන්න කියා අපේ සගයට යන්න කියා හිටගන්නවත් බැරිවුනා..දැන් ඉතින මොනව කරන්නද ඉතින්...යන්නත් බැරි හිංද අපි ඔක්කොස එකතුවෙලා අපේ කරෙන් අපේ සගයව සිරීපාදෙ කරුණා කරවන්න පටන් ගත්ත...වැඩේ කියන තරම්ම ලේසි නැහැ වගේ කියල හිතුනෙ මගහිර දඹේ කරුණා කරද්දි තමා....ඒවයෙ රාමු දාන්න කියා රූපයක් ගන්නවත් අපේ නඩේට සිහියක් නැහැ.....මග නතරවුන ගමන් හතිඅරිනව..අප්පේ මතක් වෙද්දිත් අතපය කකියනවා...
කොහොම උනත් අවසානයේ...අපි අපේ සගයව සිරීපදෙ වන්දවන්න හැකියාව ලැබුන කිව්වොත් හරියටම හරි..

මෙන්න සිරීපද කරුණා කරන්න සූදානම් වී ගත් ඡායා රූප කිහිපයක් මෙන්න

කෙසේ වෙතත් අපේ අපූරුම ගමනේ එක් අවසාවයක්වන සිරීපාදය මුදුනටම අපි පිංකරල තිබ්බ...දැන් අපේ න‍ඩේට ගොඩක් සතුටුයි....කොහොමහරි අපේ එක බලාපොරොත්තුවක් උන ඉර සේවය බලන්න නම් අපිට අපිට වාසනාවක් තිබ්බෙ නැහැ....මොකද ඒ දවස්වල කාලගුණේ එච්චරම යහපත්වෙලා තිබ්බෙනැති නිසා...ඒත් අපිට ඉරසේවයේ කොටයක් ඡායා රූප ගතකිරීමට විනාඩි 40ක පමණ කාලයක උත්සාහයකින් පසුව හැකියව ලැබුනා

ඔන්න දැන් තමා අපේ වැඩසමහනේ අමාරුම හරිය...ඒ කියන්නෙ අපහු පහලට කරුණ කරන එක....වාසනාවකට වගේ අපේ අබාධිත උන සගයගේ කකුලෙ අමාරුව නැතුව ගිහින් තිබුන...ඒ හිංද අපි අපහු පහළට කරුණා කරන්න කියල සූදානප් වෙද්ද අපිට හරි අපූරු දර්ශනයක් දකින්නට ලැබුන ඒ තමා....සිරීපාදේ හෙවනැල්ල...සමහරවිට ඔයාල ඒක දැකල නැතුවත් ඇති...ඒ හිංද මම හිතුව ඒකේ ඡායා රූපයකුත් මේ එක්කම පෙන්නන්න කියල...

මේ තියෙන්න අපේ කැමරා මල්ලිය ගත්ත ඡායා රූපය.....

දැන් පෙන්නම්කො ඔයාලට ඒ ඡායා රූපයේ විස්තරාත්දක ඡායා රූපයක්

ඒකත් බලාගෙනම අපි අපේ ගමනාන්තය බලා පහළට කරුණ කරන්න පටන් ගත්ත......අපේ ගමනේ ඔක්කොගෙ පොටෝ වැඩ බලාගන්න අපේ කැමරා මල්ලිය අපි පහළට කරුණ කරන්න අතර තර අපිට ලස්සන පොටෝ ගොඩක් අරන් දුන්න ඒත් ඒව ඔක්කොම දාන්න තරම් මේ Blog එක දික්කරන්න මම කැමති නැහැ ඒත් මම ඔයාල වෙනුවෙන් පොටෝ කිහිපියක් දාන්න කියල හිතුවා.....

කොහොම හරි අපි අපේ සිරීපාද ගමන අවසන් කරගෙන අපහු අපේ ගමනාන්තය වන නල්ලතන්නියට එන අතරමගදි ගත් ‍ඡායා රූප කිහිපයක්.....

මේ ඉන්නෙ අපේ වන්දනා නඩය......

ඔන්න ඔය විසියට තමා අපේ වන්දනා ගමන අවාසන උනේ.....

මගේ Blog එකේ වැරදි අඩු පාඩු හොයල මට කියල දෙන්න කියල අවසාන වශයෙන් මම ඔයාලගෙන් ඉල්ලා සිටිනවා....එහෙ‍නම් ආයෙමක් මේ වගේම හමුවීමට බලාපොරෝත්තුවෙන් මම සමුගන්නව ඒහෙනම්.....

මගේ අවංක ස්තුතිය.....!

2009-12-23T02:13:00.000+05:30

සමාවෙන්න.....!
පරක්කු උනත් මම හිතුව මට Blog කළාවට එන්නට අතහිත දුන් අපේ ප්‍රභාත් දර්ශන සහ ගායන් කනිෂ්ක දෙසොහොයුරන්ට මගේ ප්‍රණාමය පුද කරන්න................

මේ ඉන්නෙ අපේ ප්‍රභාත් දර්ශන සහෝදරය.....

ප්‍රභාත් දර්ශන

එකකොට මේ ඉන්නෙ අපේ ගායන් කනිෂ්ක සහෝදරය.....

ගායන් කනිෂ්ක